🌐 மொழியைத் தேர்ந்தெடுக்கவும் / Select Language
Connecting to the creator Best Articles Best Friends Best Topics Education Gaza People General articles Gold Haj Health tips Life Life With Allah Make dua Muslim life Muslim women Nice story Prayer Read quran Read ramalan Shoping Social Media Society The Holy Prophet Videos இது ஒரு நினைவூட்டல் இது சத்திய மார்க்கம்! இம்மை மறுமை இஸ்லாமிய ஒழுக்கங்கள் இஸ்லாமிய கட்டுரைகள் ☝ உண்மையான விசுவாசி உத்தம நபி (ஸல் ) அவர்களின் வாழ்க்கை கனவின் பலன் கருத்துள்ள கதைகள் சிந்தனை துளிகள் திருக்குர்ஆன் பற்றிய கட்டுரைகள் துல்ஹஜ் மாதத்தின் சிறப்பு நல்லதோர் குடும்பம் நான் திருந்திட வேண்டும் பாடமும் படிப்பினையும் பாவமன்னிப்பு புண்ணியங்களின் பூங்காவனம் பெண்களுக்கான கட்டுரைகள் 👩 புறம் பேசலாமா ..? பொதுவான கட்டுரைகள் 📃📃 முன்மாதிரி முஸ்லிம் மார்க்க செய்திகள் மார்க்க கல்வி மறுமையின் வீட்டை நோக்கிய பயணம் விழிப்புணர்வு கட்டுரைகள் ஷஃபான் மாத சிறப்பு ஹிஜாப்-ஒரு விளக்கம் துஆக்கள் வாழ்க்கைக்கு தேவையான துஆக்கள்
Useful Islamic Sections & Site Guide

Posts

Loading...

தாயின் தவிர்க்க முடியாத கடமைகள்!

தாயின் தவிர்க்க முடியாத கடமைகள்!
அல்லாஹ்வின் திருப்பெயரால்.......

வீண் வேடிக்கைகளில், அனாவசிய பிரச்சனைகளிலும், மார்க்க விரோத அனாச்சாரங்களிலும் பிள்ளைகளின் கவனம் திரும்பி விடாமல் கண்காணிப்பது பெற்றோர்களின் கடமையாகும்.  பத்து வயது வந்ததும் கண்டிப்பான முறையில் தொழச் சொல்ல வேண்டும்.  அல்லாஹ்வின் அச்சத்தை சொல்லி , மறுமை நாளை பற்றி சொல்லி , நரகம் சொர்க்கம் பற்றி சொல்லி பிள்ளைகளுக்கு பக்குவமாக எடுத்து வைக்கவும்!


பிஞ்சு உள்ளத்தில் தன்னம்பிக்கையை வளர்ச் செய்து , இறை நம்பிக்கையும், அல்லாஹ்வின் அச்சத்தையும் ஊட்டவேண்டும்! நல்ல தைரியத்தை உருவாக்குவதும், உன்னத லட்சியத்தையும், உயர்ந்த நோக்கத்தையும் கடைபிடிக்கச் செய்வதும், எதையும் தாங்கும் இதயத்துடன் உண்மையான முறையில் உழைத்துப் பிழைக்க  தன்மையை உண்டாக்குவதும், உண்மையே பேசுவதும், சத்தியத்திற்கு கட்டுப்படுவதும், அல்லாஹ்க்கும், அல்லாஹ்வுடைய தூதருக்கும் கட்டுப்பட்டு வாழுவதும் , ஹலாலான உணவைத்  தேடுவதும் முதலிய நல்ல பழக்கங்களை உருவாக்குவதும் பெற்றோர்களின் கடமையாகும்.

இதில் தாயின் பங்குதான் அதிகம். குழந்தை தன்  தாயிடம் தான் அதிகமாக  கழிக்கிறது . அதிக பொறுப்பு தாய்க்கு தான்! தாயைப் போல பிள்ளை! நூலை போல சேலை என்று ஒரு தமிழ் பழமொழி சொல்வார்கள். ஒரு குழந்தை செல்லமாகவும் வளர்க்கவேண்டும்! கண்டிப்பாகவும் வளர்க்கவேண்டும்! ஏதாவது ஒன்று மீறினால் ஆபத்துதான் என்பது தாய்மார்கள் விளங்கி கொள்ளவேண்டும். மனைவி, மக்களை காப்பாற்றுவதற்காக பொருளீட்டுவதிலேயே  தந்தை கவனமாக இருப்பதால், அவர் அதிக நேரம் குழந்தையின் அருகில் இருக்க முடியவில்லை. ஆகவே , ஒரு குழந்தை தந்தையோடு இருக்கும் நேரத்தை விட தாயிடம் இருக்கும் நேரம் அதிகமானவையாகும். எனவே, தாய் தன்  குழந்தைக்கு ஆரம்பப் பள்ளிக்கூடமாகவும், அன்பின் இருப்பிடமாகவும் , அறிவின் சிறப்பிடமாகவும், நம்பிக்கையின் உறைவிடமாகவும் அமைந்து விடுகிறாள். இதற்காக தந்தையின் பாரம் குறைந்ததாக கொள்ளக் கூடாது. தந்தையும் குழந்தையின் உடல் வளர்ச்சி, அறிவு வளர்ச்சி , சுற்றுப்புறத்  சூழ்நிலை, பழக்க வழக்கம் முதலியவற்றை கண்காணிப்பது கடமையாகும்.

இன்னும் வாலிபப் பருவத்தை அடைந்ததும் பையன் குணத்திற்கும், அறிவுக்கும், உடல் அமைப்பிற்கும் ஏற்ற மார்க்கத்தைப் பேணி , ஐங்காலத் தொழுகையைக் கடைபிடித்து தொழுகும்  பெண்ணைப் பார்த்து மணமுடித்து வைக்கவேண்டும். பெண் பிள்ளைகளாக இருந்தால், அறிவும், அடக்கமும், நற்பண்பும், நல்லொழுக்கமும் நிறைந்த மார்க்கப் பற்று உள்ள நல்ல மாப்பிள்ளையாக தேர்ந்தெடுத்து மணமுடித்துக் கொடுக்க வேண்டும்.  மாறாக, பணத்திற்காக, சொத்து அல்லது பட்டம், பதவி அதற்காக மணமுடித்து கொடுக்கக் கூடாது. திருமணம் என்பது இருமணமும்  இணைவதுதான் ஒரு நல்ல திருமணம்! இரண்டு மனமும் ஒன்று சேரவில்லை என்றால் அது திருமணமா..? இப்பொழுது நடக்கும் அநேக திருமணம் , ஆடபரமும், அனாவசிய செலவுகளும், அனாச்சாரங்களும்  நிறைந்த திருமணமாகத்தான் இருக்கிறது.

சில திருமணத்தில் லட்சம் லட்சமாக செலவு செய்து, வாணவேடிக்கை, கூத்து , கும்மாளம்,   எல்லாம் நடக்கும் . ஆனால், மணமக்களுக்கு பொருத்தம் இல்லாமல் , இருவருக்கும் மகிழ்ச்சி இல்லாமல் போய் இறுதியாக விவகாரத்தில் முடியும்! எல்லாவற்றையும் பார்த்தார்கள் . பார்த்து பார்த்து செய்தார்கள். ஆனால், மணமக்கள் அவர்களை பற்றி எந்த அக்கறையும் இல்லை. அவர்களுடைய பொருத்தம் , விருப்பம் இவைகளை பற்றி கவலையில்லாமல்  . திருமணத்தின் ஆடபரம் , அதிக செலவில் உணவு பல வகைகள். இப்படி நினைத்து நினைத்து செய்த திருமணம். மணமக்களின் மனமும் ஒத்து போகாமல் இருவருக்கும் மன கசப்பு ஏற்பட்டு விடுகிறது.

பெற்றோர்கள்  நன்கு சிந்திக்கவும் . எளிதான திருமணமா..? அல்லது ஆடபரம் திருமணமா? உங்கள் சிந்தனைக்கு!!!
அல்லாஹ் மிக்க அறிந்தவன். 

கருத்துரையிடுக

0 கருத்துகள்